ब्रेकिंग

मनोरंजन

सुशांतसिंह राजपूतची आत्महत्याच; रिया चक्रवर्तीला क्लीन चिट

Wrutuja pandharpure
24 Mar 2025

मुंबई : अभिनेता सुशांतसिंह राजपूत आत्महत्या प्रकरणात रिया चक्रवर्तीला क्लीन चिट देण्यात आली आहे. रिया चक्रवर्तीविरोधात कोणताही पुरावा न सापडल्याने तब्बल चार वर्षे चार महिन्यांनी सीबीआयकडून न्यायालयात क्लोजर रिपोर्ट सादर करण्यात आला. त्यामध्ये सुशांतसिंह राजपूत याने आत्महत्याच केल्याचे म्हटले आहे.

या प्रकरणामध्ये रिया चक्रवर्तीसह अनेकांवर गंभीर स्वरूपाचे आरोप करण्यात आले होते. सुरुवातीला मुंबई पोलिसांनी जो तपास केला, त्यामध्ये सुशांतसिंह राजपूतने आत्महत्या केली आहे, यामध्ये कोणताही संशय नाही, असे मुंबई पोलिसांनी म्हटले होते. मात्र, गंभीर स्वरूपाचे आरोप होऊ लागले तेव्हा या प्रकरणाचा तपास सीबीआयकडे वर्ग करण्यात आला होता. सीबीआयने या प्रकरणाचा आतापर्यंत म्हणजे चार वर्षे चार महिन्यांमध्ये तपास केला. सीबीआयने

पुराव्याअभावी या प्रकरणातली संशयित रिया चक्रवर्तीला क्लीन चिट देत या प्रकरणाचा तपास बंद केला.